2018 елның 12 октябрь истәлекле көннәрнең берсе. МВД кадрлар хезмәте көненә 100 ел. Шул уңайдан 18 окябрь көнне «Ак Чишмә» чәйханәсендә Полиция хезмәтендә эшләүче ветераннар белән, түгәрәк өстәл артында очрашу булды. Чараны МВД бүлеге җитәкчесе полиция подполковнигы Илдар Хәлил улы Шакиров ачып җибәрде һәм бәйрәм белән котлады. Мәдәният хезмәткәрләре күңелле җырлар бүләк иттеләр. Бәйрәмгә килгән ветераннар үткән хәтирәләр белән уртаклашып, күңелле ял итеп кайтып киттеләр.

9 октябрь көнне Район һәм шәһәр мәдәният йортында «Яфраклар биюе» дип исемләнгән чираттагы, көзге бал кичәсе узды. Фойе көзчә, матур, бәрәмчә   бизәлде.

Чараны ретро җырлары белән «Калинушка» халык җыр ансамбле башлап җибәрде. Шулай ук яшь башкаручыларыбыз Марат Музаффаров, Динарис Мирсаетов,Регина Нуретдинова кичәнең бизәге булып тордылар. Баянчылар дуэты Азат Валиев белән Рамиль Магдиев тамашачыларның көчле алкышларына күмелделәр. Татарсанның атказанган мәдәният хезмәткәре, автор башкаручы Ландыш Шәрәфиеваның «Көзге вальс» җырына, барлык тамашачыларны  биергә чакырды. Бәйрәм кичәсендә район һәм мәдәният йортында эшләп килүче тугәрәкләр  дә катнашты.

Гомумән, әлеге көзге бал кичәсендә тамашачылар, килгән кунаклар, рәхәтләнеп ял иттеләр, артистларыбыз белән күңел ачтылар.

5 нче октябрь көнне Мәдәни үзәк иҗат коллективы Мәдәни үзәк мәйданында балалар өчен хайваннарны яклау көненә багышланган күңел ачу программасы үткәрелделәр. Танып-уен ярышлары ярдәмендә балаларның хайваннар дөньясы турындагы белемнәрен киңәйттеләр

Балалар белән бергә кайгыртуга мохтаҗ булган кечкенә дусларыбыз турында искә төшердек.

Балалар бик теләп тематик уеннарда катнаштылар, кызыксыну белән сорауларга һәм табышмакларга җавап бирделәр. Бәйрәм ахырында бергәләп флешмоб биеделәр.

Шушы җирлегебездә яшәп, гомерләрен аның үсешендә фидакарь хезмәт куеп үткәргән өлкәннәребезне җыйган район-шәһәр Мәдәният йортында бусагадан узган берен гармун көенә кушылып биетә тордылар. Район башлыгының үзе, аның кул астындагы башка җитәкчеләр белән апа-абыйларыбыз бөтерчектәй бөтерелеп, гүя унсигез яшьлекләренә кайтып килде. Район башлыгы Марсель Шәйдуллин, районның ветераннар советы рәисе Миргасим Кәримов өлкәннәргә үзенең матур теләкләрен җиткерделәр. Үзешчәннәребез ветераннарга җыр-биюләрен бүләк иттеләр.